عدد الضغطات : 3,739

ملتقى الجديد والقديم في مداقيل الزواجات هنا تسجل كل ما قيل من قديم وحاضر في كل المحافل سواء بالكتابه او بالفيديو


)(مداقيل وزوامل ودمات خالدة)

هنا تسجل كل ما قيل من قديم وحاضر في كل المحافل سواء بالكتابه او بالفيديو


إضافة رد
نسخ الرابط
نسخ للمنتديات
 
أدوات الموضوع انواع عرض الموضوع
قديم 03-15-2013, 10:00 PM   #11
يحيى علي ابوراعي (شاعر مميز) و مـــــراقب عـــام


الصورة الرمزية فزاع
فزاع غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Mar 2010
 أخر زيارة : 11-28-2019 (07:10 PM)
 المشاركات : 5,962 [ + ]
 التقييم :  11
لوني المفضل : Cadetblue
افتراضي



اقتباس:
المشاركة الأصلية كتبت بواسطة شبل الملتقى مشاهدة المشاركة
تسلم أبو علي والله ييسر أمرك وحقيقه ان كلمه مبدع قليله في حقك.


اسعدني كثيرا مرورك

وانت كذلك مرورك ابداع وانتقاء الكلمات احلا واجمل

شكرا لحظورك


 
 توقيع : فزاع



رد مع اقتباس
قديم 03-15-2013, 10:33 PM   #12
يحيى علي ابوراعي (شاعر مميز) و مـــــراقب عـــام


الصورة الرمزية فزاع
فزاع غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Mar 2010
 أخر زيارة : 11-28-2019 (07:10 PM)
 المشاركات : 5,962 [ + ]
 التقييم :  11
لوني المفضل : Cadetblue
افتراضي



مرحبلي


نعود لكم بالسمين والثمين من غلاكم


نسمع دائما بيت من الشعر يتردد على السنة الناس كثيرا



وهو (
تخاويت انا والذيب سرحان)

تعالوا نسمع قصته وتكملته


--------------

اولا اختلف في من هو صاحب القصة فقد نسبت الى عدة اشخاص

والى الان لم يثبت صاحبها بشكل قاطع يعني لازال دمها ضائعا بين القبايل


القرقاح من عبيدة قحطان ينسبونها لجدهم

والعجمان ينسبونها لابن ضبان منهم

وال مانعه من الوعله من يام ينسبونها لابن ملحة منهم

وال زروق من عنزة ينسبونها لجد الشاعر فهد عافت


واقرب الاشخاص انها لابن ضبان من العجمان



---------------------------

القصة ان الشخص المعني كان سروق ويغزي على العربان ويسرق حلالهم

ومرة من المرات تعرض لطلق رصاص وهرب بجلده حتى مكان بعيد عن الانظار وعندما حار كان الذيب

يمر عليه ويعدي على الاغنام وياتي بها له يقتسمها معه حتى شفي

وعندما اراد العودة خاواه الذيب لديرته حتى وصل راس مشراف على ديرته تركه هناك

ونحر له ذلوله واخبر جماعته بان معه خوي في راس مشراف الديرة وهو ذيب

ويطلب من الجميع احترامه وعدم الاعتداء عليه

الا ان واحد من جماعته ذهب يستطلع الامر ووجد الذيب حقيقة وقتله

مما جعل مخاوي الذيب يقتل القاتل نصرا لخويه

وبذا سمي مخاوي الذيب

وقد ابدع بهذه القصيدة

تعالوا نشوفها



تخاويت انا والذيب سرحـان
ودعيته بامـان الله وجانـي
خوي خاوني ماضـي افنـان
واليا شرف المرقـب شفانـي
عقرت السمينه له بصفطـان
وعطيتـه مواثيقـي وامانـي
وتهياله من النـاس شيطـان
على شلوتـه والليـل دانـي
وانا في خويي ما آخذ اثمـان
الا بنفـس ذباحـه بيـانـي
ضربته بشلفـا فعلهـا بـان
وهي من كف غمر صبير ماني
وانا من سلايل نسل خرصـان
اليا جت مواجيـب العوانـي
ويا البيض شومن لبن ضبان
وكبـن مهـاوات الهـدانـي


 
 توقيع : فزاع



رد مع اقتباس
قديم 03-16-2013, 11:30 PM   #13
يحيى علي ابوراعي (شاعر مميز) و مـــــراقب عـــام


الصورة الرمزية فزاع
فزاع غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Mar 2010
 أخر زيارة : 11-28-2019 (07:10 PM)
 المشاركات : 5,962 [ + ]
 التقييم :  11
لوني المفضل : Cadetblue
افتراضي




اهلا بكم مع القديم الجميل


كلنا ذلك الرجل الذي يترحم على الاخوة فقد اصبحت في هذه الايام

عند كثيرا من الناس الامن رحم الله في خبر كان رغم ان الاخوة رباط مقدس


نسمع دائما ببيت جميل

يقول



( اخوي ياللي يوم الاخوان فلات = من خلقته ماقال ذا لك وذا لي)


تعالوا للقصة و للقصيدة






شالح بن حطّاب الهدلان من الخنافرة من قحطان 00 كان فارس وشجاع ومعروف في قبيلته بحسن الاخلاق والكرم والوفاء 00 وكان لشالح هذا أخو شقيق أصغر منه اسمه (( الفديــع )) 00
الفديع هذا يشبه لاخوه في كل شي الا انه كان جريه ومغامر إلى أبعد الحدود 00 وكان وفي مع أخوه شالح لاخر درجة 00 ويشوف أن أكبر فخر له هو خدمة أخوه 00 وكان بالفعل خادم أمين لاخوه 00 مرّت السنوات وكبر الفديع واكتملت رجولته وصار فارس القبيلة وشال عن أخوة شالح أمورن واااااجده 00 يحمي الضعاين 00 ويرعى البل وكانت ابلهم ما ترعى الا والفديع معها لابس سلاحه لان هاك الوقت كل من جاز له شي خذه ولا شاور والسرقة فخر عندهم 00 المراد ان الاعداء ما يفكرون ولا يجي في بالهم يقربون للبل والفديع معها 00 ولو فكر أحد في الموضوع فيبشر بالخيبة !!
المهم جاء هاك اليوم وإيلا شالح قاعدن يتقهوى عقب ما طلعت الشمس 00 يوم التفت على البل وإيلاهن في مباركهن والفديع مهوب معهن !!! و يقعد ينادي يقول : البل تعتب في عقلها والفديع غايب وين هو ؟؟؟
قالوا له أن داخل البيت عند زوجتك تغسل راسه وتكدّه (( تراهم هاك الوقت عندهم هالامور عادي ولا فيها ملام !)) يوم صال شالح ويدخل بيته وايلا حرمته قاعدتن تغسل راسه قال : الابل حايرة في مباركها وانت عند الحريم تغسل راسك ؟؟!! وخذ تراب وحطّه على راس أخوه !! يوم قام الفديع وهو مستحي وينفض التراب عن راسه ويقول : العفو يا أخوي العفو 00 ثم قال لمرت أخوه أسرجي لي الخيل وحضّري سلاحي وراح للبل يطلق عقلها ثم رجع يلبس سلاحه 00 وإيلا أخوه قاعد عند القهوة ويجي له يمشي بشوييش ويحب راسه وبين عيونه وقال بمان الله يا اخوي وركب خيله ولحق البل 00 عقب ما غابت الشمس رجع الفديع بالبل وجا لاخوه شالح وحبّه وقعد عنده وخذ القهوة يصبها له ويقص عليه وش سوّى ويمزح معه كل هذا يبي يثبت لاخوه انه سامح باله ولا في خاطره شي 00 وصار جايب معه هاك اليوم غزلان قانصهن ويشوي لاخوه ويوسع الصدر لين راح أخوه يرقد 00 يوم راح وتجي مرته للفديع قالت : ترا الماء للي عندنا قاضي وأخوك إيلا قام يبي يسوي له قهوة وماش ماء وش السوات ؟ قال أسكتي ولا تطرين له شي روحي للبعير الفلاني ونوخيه وحطي عليه الرحل والمزاود (( والما كان بعيد عنهم )) ركب الفديع وراح يجيب لهم ماء ولا رجع الا قبل الفجر الاول حط رحله وعبّا دلال أخوه وراح يرقد له شوي ويوم طلع الفجر وهو اللي يقوم ما كن شي صاير ويحب أخوه ويصبح عليه بالخير ويروح يرعى البل على عادته 00يوم راح جت المرة وعلمت شالح باللي صار في الليل عاد هويوم درى ضاق صدره وتكدّر 00 رجع الفديع وقعد عند أخوه ولاحظ أنه يهوجس ويفكر قال : عسى ما شر يا أخوي ؟؟ وش اللي مضيق صدرك ؟؟ قال شالح : ما فيني شي الا أني افكر في حالك لاني اتعبتك واشقيتك معي وكل يومك وانت على خيلك 00 وودي لو ان عيالي كبار ويعاونونك قال الفديع : انا وناستي في خدمتك يا اخوي 00 ثم أنشد 00

يا ابو ذعار اكفيك لوني لحالي :: وأصبر على الدنيا وباقي تعبها .
وان غم أخوه معثَّرين العيالي :: أنا لاخويه سعد عينه عجبها .
وان جن مثل مخرّمات الليالي :: كم سابق(ن) تقزى وأنا من سببها .
كم خفرة قد حرّمت للدلالي :: لبست سواد(ن) عقب لذة طربها
وان جيت لي قفر(ن) من النشر خالي :: يفرح بي الحوّاز يوم أقبل بها .
أفديك ياشالح بحالي ومالي :: يا فارس الفرسان مقدم عربها .
يا متيه(ن) ابله بروس الجبالي :: ياللي حميت حدودها ياجنبها .
يوم تأثر شالح ورد على أخوه قال :
لا واخو(ن) لي عقب فرقاه بااضيع :: كنّي بما يجري على العمر داري
اخوي يا ستر البني المفاريع :: ومطلق لسان اللي باهلها تماري .
ما قط يوم(ن) شد بين الفراريع :: يا كود ما بين الكمي والمشاري .
(( ليته عصاني مرة(ن) قال ما أطيع :: كود أني أصبر يوم تجري الجواري !!))
أنا أشهد أنه لي سريع المنافيع :: عبد (ن) مليك(ن) لي ولانيب شاري .
تشهد عليه مناتلات المصاريع :: واعداه من كفّه تشوف العزاري .
يمناه تنثر من دماهم قراطيع :: وعوق العديم اللي بدمه يثاري .
جدّاع سفرين الوجيه الدراريع :: مخلي سروج الخيل منهم عواري .
القلب ما ينسى بعيد المناويع :: ليث(ن) على صيد المشاهير ضاري
.
وكن شالح متوقع في هالقصيدة مستقبل أخوه 00 لان الفديع فارس ومغامر بقتاله 00 وكان شالح خايف عليه من نتايج هالمغامرة لانه يشوفه كل شي 00 ويفضله على نفسه ...

قلنا أن شالح كأنه متوقع أن أخوه بيصير له شي في قصيدته الأخيرة 00 فكان يفضله على نفسه في كل شي 00 ويفاخر به عند باقي القبايل 00
وفي يومن من الأيام كان شالح مسافر بظعينته 00 والفديع معهم لكن كان في عيونه رمد (( مرض يصيب العيون )) وكان رمده كايد حتّى أنه ما يقدر يفتح عيونه و جفونه طابقة على بعض 00 فكانت خيله مربوطة مع الظعينة وهو معصوبة عيونه ومركّب في هودج ويسوقونه 00 مشوا وهم في الطريق هجم عليهم مجموعة فرسان تبيّن بعد وقت أن هالفرسان من الحمدة أمراء عتيبة - وهم ناس يضرب بشجاعتهم المثل ومشهورين بالفروسية- فقام شالح يدافع ويرد القوم عن الظعاين لحاله ومرّه يهزمهم ومرّه يهزمونه 00 فإذا أنهزم وتراجع صاحن عليه الحريم ورجع يقاتل 00 ولا منه تقدّم وهجم قامن يزغردن ويشجّعنه وايلا سمعهن قوى قلبه وباع بعمره 00 طال الوقت وهو يقاتل وكانت أم شالح والفديع مع الحريم لاحظت أن شالح بدا يتعب !! وهي اللي تنزل من هودجها وتسرج خيل الفديع الصفراء وتولّم سلاحه 00 ثم راحت له قالت : أنزل أفزع لأخوك ترا القوم غالبينه 00 قال : إني والله محترتن تسبدي ومحرقتني الحسرة بس وين أعاونه وأنا منيب أشوف ؟؟!! قالت الأم : أنا أخليك تشوف 00 نزلته من الهودج وجابت لها شوي ماء وغسلت به عيونه ثم صارت تفتحها بقوّه لين تنفتح حتّى يقولون أنه كل ما أنفصل جفن عن جفن ينزل معه دم وصديد 00 المهم أن الفديع صار يشوف لكن شوف ردي وهواللي يركب خيلة وهو فيه حرّة مشرقتن به ومغرّبه يوم شاف وإيلا هذا أخوه مقبل والقوم يطردون وراه 00 ويدخل الفديع كنه النمر ويضرب أول القوم ويقتله 00 يوم شافوه وهم اللي ينحاشون ويلحقهم ويضرب الثاني ويقتله ثم ألحقه بالثالث 00 ودخل في وسطهم وقام يلجنهم 00 يوم شافوه بينهم وهم اللي يلتفون عليه وقاموا يضربونه بالرماح 00 ويجيه هاك الرمح و يشق راسه000 يـــوم طاح !!! 00 القوم كمّلوا نحشتهم لانهم أتعبهم القتال 00 و شالح نزل من خيله وراح لأخوه وقعد يقلبه وإلا والله الرجال ميّت 00 وهو اللي تظلم الدنيا في عيونه وتغدي نكبته نكبه ويقعد يصيح 00 حبّه حبة الوداع وقعد يناظره ويتذكر يشوف عيونه ويتذكر الله من مرّة سهرت على راحته 00 ويناظر يدية كم مرّة شال بها السلاح ورد أعداهم عن حلاله وحريمه 00 قعد يتأمل في أخوه والهواجس تجي به وتروح 00 ثم مسح التراب اللي على جبهت أخوه وطبّق جفونه 00 وقال للي معه يكفنونه وكانوا في وادي أسمه ((خفا)) وجنب هالوادي فيه هضبة اسمها ((خفا)) وهي اللي دفنوا الفديع جنبها 00 عاد قال شالح قصيدة يرثي بها أخوه الفديع فكانت من أفضل المراثي 00 يقول :

أمس الضحى عدّيت راس الطويلات :: وهيّضت في راس الحجا ما طرا لي .
وتسابقن دموع عيني غزيرات :: وصفقت بالكف اليمين الشمالي .
وجرّيت من خافي المعاليق ونّات :: والقلب من بين الصناديق جالي .
وآ اخوي ياللي يم قارة (خفا) فات :: من عاد من عقبه بيستر خمالي ؟!
ليته كفاني سو بقعا ولا مات :: وأنا كفيته سو قبر(ن) هيالي.
وليته مع الحيين راعي الجمالات :: وأنا فدا له من غبون الليالي !
وآ اخوي ياللي يوم الأخوان فلاّت :: من خلقته ما قال: ذا لك وذالي !!
تبكيه هجن(ن) تالي الليل عجلات :: ترقب وعدها يوم غاب الهلالي .
وتبكي على شوفه بني(ن) عفيفات :: من عقب فقده حرمن الدلالي !!
عوق العديم إن جا نهار المثارات :: والخيل من حسّه يجيهن جفالي .
--------------------------------------------------------------------------------


 
 توقيع : فزاع



رد مع اقتباس
قديم 03-18-2013, 11:15 AM   #14
يحيى علي ابوراعي (شاعر مميز) و مـــــراقب عـــام


الصورة الرمزية فزاع
فزاع غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Mar 2010
 أخر زيارة : 11-28-2019 (07:10 PM)
 المشاركات : 5,962 [ + ]
 التقييم :  11
لوني المفضل : Cadetblue
افتراضي



اهلا بكم مع النوادر من الشعر والقصص


نسمع كثيرا ( يامرحبا ترحيبة البدو بالسيل)

لكننا لم نسمع ب( يامرحبا ترحيبة البدو بالذيب)

حيث ان الذيب غير مرحبا به عند اهل البادية نظرا لاذيته ولاكله مواشيهم

فماذا عن هذا البيت ومن القائل

تعالوا نسمع القصة




السلام عليكم ورحمة الله وبركاته:--

بأختصار جرت على الشاعر حمد بن هادي المسرديوبعض خوياه


في الثمانينات هجرياً تقريباً/وهم جميعاً في سن الشباب.



حيث كانوا في رحله وشافوا لهم بدوي وميلوا عليه يبون القهوه والعشا


رحب بهم ترحيبةٍ رديه وقلطهم وهو شايب ولا عليه الا بنات طبعاً شك الرجال




((هادفينه مغيب الشمس و شباب)



قال لنفسه باقول لهم بيتين انفهموها واللا تصرفت



قرب النجر يدق قهوته وغنا يقول:--




يا مرحبا ترحيبة البـدو بالذيـب


اللي لفا يبغا العشا مـن بهمنـا




ما عندنا له كود حشرات اللواليب


اللي فشقها بالمحـازم نضمنـا






مباشرةً ردحمد هادي ((لأنه عرف المعنى)) قائلاً:--



الشايب اللي لحيته كلها شيب


ساعة دخلنا مجلسه ما حشمنا




بان الغلط ما فيه شك ولا ريب


العلم غير العلم يالربع قمنـا






رحمة الله على حمد بن هادي ومعزبه وخوياه


 
 توقيع : فزاع



رد مع اقتباس
قديم 03-20-2013, 01:37 AM   #15
يحيى علي ابوراعي (شاعر مميز) و مـــــراقب عـــام


الصورة الرمزية فزاع
فزاع غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Mar 2010
 أخر زيارة : 11-28-2019 (07:10 PM)
 المشاركات : 5,962 [ + ]
 التقييم :  11
لوني المفضل : Cadetblue
افتراضي




السلام عليكم ورحمة الله


عندما كانت الدولة دولة والرجال رجال


كانت اوامر الدولة تنفذ بحذافيرها وكانوا المواطنين ينصاعون لتلك الوامر طاعة لله ولرسوله


ولولاة الامر


بعيدا عن مهايطة هذه الايام اللتي نراها في شوارع مدننا وقرانا


------------

كانت عند القبائل الجنوبية عادة في الختان - الهود - وهي اقامة الاحتفالات اكثر من احتفال الزواج


ومن ذلك الرمي بالبنادق

وفي احدى احتفالات قبيلة ال الخلف بالهود لمجموعة من شبابها


وصلت برقية لشيخ القبيلة بمنع الرمي والبرقية من امارة ابها


وكانوا قد اعدوا العدة للرمي واستقبال الوافدين من القرى الاخرى بالرمي والعرضة


لكنهم بعد وصول البرقية امتثلوا للامر ولم يرموا برصاصة واحدة


وكان الوافدين من القرى الاخرى يستغربون عدم الرمي

فقام الشاعر المرحوم - مشبب بن عوض من ال درع والد الاستاذ محمد بن مشبب

ببدع هذه الدمة وشيلها من قبل ابناء القبيلة يبن فيها سبب التخلي عن الرمي



يقول فيها



(العذر من ربي ومن حظر

( برقية ابن سعود جتنا تنقل الخبر

ويعبر البندق فلا تظرب بمونته





من عقب ماكنا نوطي الجن والكفر

بحامل النبوت ذاهو يغلط النظر

ويعبر البندق ولايظرب بمونته


 
 توقيع : فزاع



رد مع اقتباس
قديم 03-20-2013, 02:00 PM   #16
سعيد علي ال فلان ( شاعر )


الصورة الرمزية ابوهاشل
ابوهاشل غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Mar 2010
 أخر زيارة : 09-22-2013 (02:28 PM)
 المشاركات : 456 [ + ]
 التقييم :  10
لوني المفضل : Cadetblue
افتراضي



تصحيح ( نرتعي عشبه ونشرب قراح )


 
 توقيع : ابوهاشل



رد مع اقتباس
قديم 03-20-2013, 02:15 PM   #17
سعيد علي ال فلان ( شاعر )


الصورة الرمزية ابوهاشل
ابوهاشل غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Mar 2010
 أخر زيارة : 09-22-2013 (02:28 PM)
 المشاركات : 456 [ + ]
 التقييم :  10
لوني المفضل : Cadetblue
افتراضي



تصحيح
يالابتي فالعذر من ربي ومن حضر = برقية ابن سعود جتنا تنقل الخبر
ويعبر البندق ولاتضرب بمانته
من عقب ماكنا نوطي الجن والكفر = بحامي النبوت ذاهاو يغلط النظر
ويحط على المحجا فلاتوكد غمامته


 
 توقيع : ابوهاشل



رد مع اقتباس
قديم 03-21-2013, 12:36 AM   #18
يحيى علي ابوراعي (شاعر مميز) و مـــــراقب عـــام


الصورة الرمزية فزاع
فزاع غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Mar 2010
 أخر زيارة : 11-28-2019 (07:10 PM)
 المشاركات : 5,962 [ + ]
 التقييم :  11
لوني المفضل : Cadetblue
افتراضي




نسمع ببيت جميل وهو ( ياصاحبي تفديك برقا على روق)


تعالوا نسمع القصة والقصيدة




قصه وقصيدة لشاعرة من قبيلة عتيبه ..

وتدعى بـ قمره ( المرهوصه ) من الدعاجين من عتيبة ,, امرأه اشتهرة بشاعريتها وجمالها بين نساء عتيبه ..

ولكنها كانت سليطة لسان .. وذات يوم صادفت قمره على العد ( الماء ) رجل ويدعى زيد ابن صالح من العصمه من عتيبه ..

وتولع بها وعشقها ( عشق شريف ) وهي كذالك بادلته بنفس الشعور واستمرة فترة عشقهم الى سنه تقريباً ..

الى ان قرر زيد ان يتقدم بخطبة قمره .. وكلم والده ولكن والده خشى على ابنه من قمره وسلاطة لسانها..

فأقسم على ابنه زيد ان لايتزوج من قمره .. وأعطاه ريالات ذهبيه وقال له تزوج ماتشاء من اي بنات القبيلة بدلاً من قمره ..

ولكن زيد لم يكن يرغب الا بالزواج من عشيقته قمره .. ولكنه لا يستطيع كسر حلف والده فرضى بالمقسوم ..

وذهب لعشيقته قمره واخبرها برأي والده وأعطاها الريالات الذهبيه وتركها ..

وحذفت قمره الريالات الذهبيه بالماء وانشدة تقول
/







يامل قلب من هـوى زيـد مطـروق
طـرق الحديـد ملـيـن ٍبالضـويـا
امسيت قلبي في واصبحـت مسـروق
وثـوّرت فـي قلبـي عميـل ٍعـيـا
ياصاحبي تفداك برقا علـى روق
واللـي بعيدالـدار والـلـي هنـيـا
ويفداه من يركب على الخيل بعـروق
مع خيل ابن هنـدي وخيـل المحيـا
ويفداه من يمشي على الارض من فوق
والـلـي يشـوفـون القمروالثـريـا
ويفداه حضـر ٍلجـوا العصربالسـوق
وابن رشيداللـي علـى الحكـم عيـا

:
:
:
يوم سمع الأمير ابن رشيد القصيدة طلب حضورها ليتم التحقيق معها
يوم جت قالها ابن رشيد وش قلتي صحيح جعلتيني فدوة لمعشوقك قالت لا وجحدت خوفا منه
فقالت لا يا طويل العمر انا ذكرت كذا وكذا (وقالت قصيدة احضرتها قدامه طازجة وهي مدح بالأمير ابن رشيد)
فرضي عليها واعطاها عطية من عنده
:
:
للمعلومية ابن هندي والمحيا شيوخ من عتيبة وابن رشيد الشمري أمير نجد وهذا قبل قيام الدولة السعودية الحالية


 
 توقيع : فزاع



رد مع اقتباس
قديم 03-29-2013, 11:24 PM   #19
يحيى علي ابوراعي (شاعر مميز) و مـــــراقب عـــام


الصورة الرمزية فزاع
فزاع غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Mar 2010
 أخر زيارة : 11-28-2019 (07:10 PM)
 المشاركات : 5,962 [ + ]
 التقييم :  11
لوني المفضل : Cadetblue
افتراضي




نسمع بالبيت الجميل (لاهنت ياراس الرجاجيل لاهنت )


هذا البيت الجميل من قصيدة لخالد الفيصل في والده الملك فيصل رحمه الله

بعد مقتله عام 1395هجرية

تعالوا شوفوا القصيدة



من اروع قصائد الرثاء قصيدة الامير خالد الفيصل في رثاء الملك فيصل رحمه الله


لا هنت ياراس الرجاجيل لا هنت
ولا هان راس في ثرى العود مدفون

والله ما احطك بالقبر لكن آمنت
باللي جعل دفن المسلمين مسنون

منزلك ياعز الشرف لو تمكنت
فوق النجوم اللي تعلن على الكون

سكنت دار المجد يا شيخ واسكنت
شعبك معك وقلوب ناس يحبون

صنت الامانة حافظ ما تهاونت
وعلمتهم وشلون الاشراف يوفون

كم ظالم عاداك واعفيت واحسنت
واخلفت ظن جموع ناس يظنون

بازهد والمعروف والصير كونت
منهاج فيصل المنهج اللي يعرفون.....

تلفتت روس المخاليق وين أنت ؟
وين العظيم و عود الشوف مطعون

كم خافق وقف عقب ما تكفنت
و كم ناظر ذوب سواداه محزون

لو شفت حال الناس عقبك تبينت
مقدار حب الناس للي يودون

مما بقلبي قلت يابوي لا هنت
و إلا انت فوق القول مهما يقولون


 
 توقيع : فزاع



رد مع اقتباس
قديم 04-02-2013, 12:14 AM   #20
يحيى علي ابوراعي (شاعر مميز) و مـــــراقب عـــام


الصورة الرمزية فزاع
فزاع غير متواجد حالياً

بيانات اضافيه [ + ]
 رقم العضوية : 13
 تاريخ التسجيل :  Mar 2010
 أخر زيارة : 11-28-2019 (07:10 PM)
 المشاركات : 5,962 [ + ]
 التقييم :  11
لوني المفضل : Cadetblue
افتراضي



[COLOR="Teal"][SIZE="5"][OVERLINE][U][I]

نسمع بهذا البيت الجميل


( كف على المنسف وكف على السيف )


هذا من قصيدة لخلف بن هذال عندما طلبه خالد الفيصل للمشاركة في مهرجان ابها

وكان وقتها في باريس مع متعب بن عبدالله

قام متعب وارسله لابن عمه

وعندما غداهم خالد في السودة كان يوم ماطر وبرد على السودة

قال له المعزب هو ومجموعة من الشعراء

لكم عشر دقائق كل واحد يصف المنظر في ابيات شعر

فكانت هذه الابيات من خلف


ثلج على السودة نهار من الصيف
كن ايتكسر فية سكر نباتى
علم ربوع يم باريس وجنيف
يستنشقون مع اول الذارياتى
لثيت فى ذيك الطوال المشاريف
والذ واحلى لحظة فى حياتى
فى دار خالد مكرم الجار والضيف
المرتكي لمصادم النايباتى
كف على المنسف وكف على السيف
يرسي كما ترسي جبال السراتي
مراجلة يوم المراجل تناتيف
كنة على دجلة وشط الفراتي
]


 
 توقيع : فزاع



رد مع اقتباس
إضافة رد

مواقع النشر (المفضلة)


 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة




الساعة الآن 06:28 PM

converter url html by fahad7



Powered by vBulletin® Version 3.8.7
.Copyright ©2000 - 2012, Jelsoft Enterprises Ltd

Ads Management Version 3.0.1 by Saeed Al-Atwi